ВМРО-ДПМНЕ обвинува: Протестот е организиран од СДС под превез на синдикална борба

Од ВМРО-ДПМНЕ тврдат дека денешниот протест за повисоки плати, организиран од Сојузот на синдикатите на Македонија, покажал дека станува збор за заедничка активност на синдикатот и СДСМ.

— реклама —

Од партијата велат дека за време на протестот низ улиците биле забележани лица со промотивен материјал и обележја на СДСМ, како и учесници кои носеле маици со партиски натписи.

— реклама —

„Ова е доказ за нашите прес-конференции во кои информиравме дека ова не е борба за работнички права на синдикатот, туку организирана активност на СДС и ССМ под превез дека се бараат повисоки плати“, соопштија од ВМРО-ДПМНЕ.

— реклама —

Од партијата тврдат и дека според нивните информации на протестот биле донесени луѓе и од други градови, а организацијата, како што наведуваат, била спроведена преку локални штабови на СДС.

— реклама —

„Денешниот протест покажа дека е само една парада со која СДС и ССМ ги лажат работниците дека се залагаат за повисоки плати“, велат од ВМРО-ДПМНЕ.