ВМРО-ДПМНЕ: СДС избра статус кво, Заев и натаму ги држи конците

ВМРО-ДПМНЕ обвини дека СДСМ, предводена од Венко Филипче, избрала да продолжи со постојната политика наместо да спроведе реформи, оценувајќи дека партијата е „заробена од старите структури“.

— реклама —

Од партијата велат дека атмосферата и еуфоријата при присуството на поранешниот лидер Зоран Заев на партискиот роденден, според нив, јасно покажале кој има влијание во СДСМ.

— реклама —

„Одушевувањето и аплаузот за Заев се доказ дека Филипче и лојалистите продолжуваат по старата матрица – заштита на поединци и игнорирање на членството“, наведуваат од ВМРО-ДПМНЕ.

— реклама —

Партијата оценува дека во СДСМ „владеат старите структури“, додека оние кои бараат промени остануваат на маргините, и додава дека без, како што велат, расчистување со тие структури, не може да има суштинска реформа.

— реклама —

„Наместо самокритика и катарза, Филипче покажа дека нема намера за промени“, велат од ВМРО-ДПМНЕ, додавајќи дека во такви услови СДСМ не може да ја врати довербата кај граѓаните.