ВМРО-ДПМНЕ: „СДС, Левица и ДУИ повторно застанаа против реформите и интересите на Македонија, покажаа колку полошо за државата толку подобро за нив“

ВМРО-ДПМНЕ преку соопштение ги обвини СДСМ, Левица и ДУИ дека повторно ги блокирале реформите, откако не го поддржале новиот Изборен законик, оценувајќи дека со тоа е пропуштена значајна можност за исполнување на реформските обврски на државата.

— реклама —

Од партијата наведуваат дека Владата продолжува со спроведување на реформите важни за развојот на државата, додека, според нив, опозициските партии избрале политичка конфронтација наместо конструктивен пристап.

— реклама —

Во соопштението се тврди дека СДСМ, Левица и ДУИ наместо да придонесат за унапредување на изборниот процес, се воделе од партиски интереси и дневнополитички цели.

ВМРО-ДПМНЕ оценува дека ова не е првпат овие партии, како што наведуваат, заеднички да се спротивставуваат на иницијативи што ги сметаат за важни за државата, ставајќи ги партиските интереси пред државните.

— реклама —

Од партијата посочуваат дека Владата досега реализирала девет од десетте предвидени реформи, а како единствена преостаната ја наведуваат измената на Изборниот законик.

— реклама —

Во реакцијата, ВМРО-ДПМНЕ нагласува дека останува посветена на спроведување на реформите, јакнење на институциите и обезбедување стабилност и развој на државата.