По повод 63-годишнината од катастрофалниот земјотрес што на 26 јули 1963 година го погоди Скопје, ВМРО-ДПМНЕ преку соопштение оддаде почит на жртвите и порача дека градот никогаш не смее да го заборави овој трагичен настан.
Од партијата наведуваат дека денешниот ден е посветен на сеќавањето на загинатите, на почитта кон преживеаните и на благодарноста до сите кои помогнаа во обновата на Скопје по катастрофата.
Според ВМРО-ДПМНЕ, благодарение на единството, човечноста и меѓународната солидарност, Скопје повторно се издигнало и станало симбол на надежта, отпорноста и солидарноста.
Во партиското соопштение се истакнува дека денес обврска е да се зачува тоа наследство преку градење институции што ќе се грижат за граѓаните, вложување во безбедноста, отпорноста и развојот, како и негување на солидарноста и меѓусебната почит.
„Нека споменот никогаш не избледи, а пораката за единство и надеж продолжи да живее во секоја генерација. Скопје памети. Скопје не заборава“, се наведува во соопштението на ВМРО-ДПМНЕ.
