ВМРО-ДПМНЕ со обвинувања: Дали Заев земал 4 милиони евра мито за ДУП во Тетово?

ВМРО-ДПМНЕ јавно постави прашања дали поранешниот премиер Зоран Заев примил поткуп од 4 милиони евра за промена на деталниот урбанистички план во Тетово.

— реклама —

Од партијата се повикуваат на аудио-снимка што се појави на социјалните мрежи, во која, според нив, бизнисменот Миодраг Давидовиќ Дака разговара со Зоран Милески – Кичеец и споменува исплата од два плус два милиони евра доколку се реализира одреден проект.

— реклама —

Според ВМРО-ДПМНЕ, во разговорот се навестува изградба на голем станбен комплекс во Тетово, вреден околу 200 милиони евра, од кој, како што тврдат, би произлегол наводен финансиски бенефит.

— реклама —

Партијата отвора и дополнителни прашања – каде завршиле парите и дали постојат поврзаности со инвестиции во странство – и повика надлежните институции да ги истражат овие наводи.

— реклама —

Од ВМРО-ДПМНЕ апелираат обвинителството да постапи по информациите, оценувајќи дека граѓаните имаат право на одговори и утврдување на одговорност.