ВМРО-ДПМНЕ преку соопштение реагираше на критиките од СДСМ поврзани со прославата на 36-годишнината од партијата, оценувајќи дека разликата меѓу двете политички партии е очигледна и видлива за граѓаните.
Од владејачката партија посочуваат дека годишнината ја одбележале заедно со граѓаните, нагласувајќи дека ВМРО-ДПМНЕ е партија која, како што велат, има длабоки корени во македонската државност и во изминатите децении реализирала бројни проекти од кои корист имаат граѓаните.
Во реакцијата се наведува дека, за разлика од нив, СДСМ роденденот го прославил во партиските простории на „Бихаќка“, во присуство на партиски функционери и раководство.
Од ВМРО-ДПМНЕ упатуваат критики и кон раководството на СДСМ, оценувајќи дека партијата избегнува да се соочи со актуелните политички прашања и наместо јавни настапи комуницира преку соопштенија.
„Тоа е суштинската разлика меѓу ВМРО-ДПМНЕ и СДС. Ние сме заедно со народот, а тие се оддалечени од граѓаните“, наведуваат од партијата во реакцијата.
