Во чест на Билјана утре мирен протест во Богданци под мотото „Стоп за фемицидот“

Граѓани утре, 6 ноември, ќе се соберат во Градскиот парк во Богданци на мирен протест под мотото „Стоп за фемицидот“, во чест на Билјана. Собирот е закажан за 19 часот, а организаторите бараат правда, одговорност и поголема заштита на жените, како и навремена реакција од надлежните институции.

— реклама —

„Нејзиниот глас е замолчен, но нашиот мора да биде погласен од кога било“, се наведува во повикот објавен на социјалните мрежи.

— реклама —

Иницијаторите нагласуваат дека фемицидот мора да се спречи пред да се случи и дека институциите треба навреме да реагираат за да се заштитат животите на жените.

— реклама —

Протестот, како што посочуваат организаторите, нема партиски карактер и е отворен за сите граѓани кои сакаат да побараат правда и заштита од насилство.

— реклама —

„Излези и ти. За Билјана, за сите нас, за иднината на нашите деца“, порачуваат иницијаторите.