„Во Гостивар уште 4.000 пациенти а ВМРО-ОКГ вели дека СДСМ шири дезинформации“, велат од СДСМ

СДСМ преку соопштение обвини дека, додека ВМРО-ДПМНЕ тврди оти опозицијата шири дезинформации и паника околу состојбата со водата во Гостивар, бројот на заболени продолжува да расте.

— реклама —

Од партијата велат дека во изминатите неколку дена се регистрирани речиси 4.000 пациенти, а болницата во Гостивар е преполна.

— реклама —

Според СДСМ, водата сè уште не е безбедна ниту за техничка употреба, поради што прашуваат дали ваквата состојба може да се нарече „дезинформација“.

— реклама —

„Додека граѓаните чекаат ред за флаширана вода и болничките ходници се полни со пациенти, власта наместо да понесе одговорност зборува за ширење паника“, наведуваат од СДСМ.

— реклама —

Од партијата додаваат дека граѓаните во Гостивар не паничат, туку се соочуваат со последиците од, како што велат, задоцнетата реакција на институциите.