Центарот за управување со кризи (ЦУК) соопшти дека во текот на изминатото деноноќие, заклучно со 08:00 часот на 3 август 2026 година, низ државата биле регистрирани вкупно 30 пожари на отворен простор.
Според последните информации, во моментов нема активни пожари. Од вкупниот број, еден пожар е ставен под контрола, додека 29 се целосно изгаснати.
Под контрола останува пожарот на територијата на Општина Македонски Брод, помеѓу селата Слатина и Грешница, каде што горела нискостеблеста деградирана шума и ниска вегетација.
Од ЦУК информираат дека надлежните служби и понатаму ја следат состојбата на терен и остануваат подготвени за брза интервенција доколку се појават нови пожари.
