Во Косово уапсен сопственик на порталот „Косово-онлајн“: кај него се правени претреси, не се знае причината

Душан Милановиќ од Лепосавиќ, сопственик на компанијата „ВИМ инфо“ , која е основач на порталот „Косово-онлајн“, утрово е приведен од косовската полиција. Според сведочењето на мештаните, околу 20 припадници на косовската полиција, придружувани од две оклопни возила и три џипа, утринава околу 8 часот и 45 минути упаднале во куќата на Милановиќ во Лепосавиќ.

— реклама —

Според истиот извор, на семејството му било кажано дека инспекторот имал наредба од обвинителот од Приштина да го уапси Милановиќ и да изврши целосен претрес на куќата. Во 9:20 часот Милановиќ бил однесен, а полицијата извршила претрес во куќата.

— реклама —

Во моментов од полицијата нема информации зошто Милановиќ е приведен, пишува порталот, бидејќи северниот регион на косовската полиција не одговара на нивните повици.

— реклама —

Најпрвин бил префрлен во полициската станица во Лепосавиќ, по што бил пренесен во полициската станица во Митровица.

— реклама —

Редакцијата на „Косово онлајн“ апелира, не сакајќи да прејудицира и да го поврзе апсењето со сопственоста на нашите медиуми, до надлежните институции итно да ја информираат јавноста за причините за рацијата и апсењето.