Во месеците кои што следат ќе има ново проширување на лекови на позитивната листа, вели Мицкоски

Премиерот Христијан Мицкоски на денешната пре-конференција најави дека во наредните месеци се очекува ново проширување на позитивната листа на лекови, посочувајќи дека Владата работи на промени во здравствениот сектор какви што, според него, не се случиле со години.

Одговарајќи на новинарско прашање, Мицкоски истакна дека граѓаните наскоро ќе добијат нови лекови кои ќе бидат достапни преку позитивната листа.

— реклама —

„Очекуваме во месеците што следат нови убави вести за македонските граѓани со нови лекови кои ќе бидат вклучени на позитивната листа“, изјави Мицкоски.

— реклама —

Тој нагласи дека здравствениот систем претставува сериозен предизвик и дека е потребен поодговорен однос кон неговото функционирање.

Според премиерот, државата ќе продолжи да инвестира и да ги штити интересите на граѓаните, но истовремено очекува одговорно однесување од сите вклучени во системот.

— реклама —

„Не можеме континуирано да го исцрпуваме системот, а истовремено да очекуваме квалитетни услуги и сервис“, рече Мицкоски.

— реклама —

Тој посочи и на можни злоупотреби во здравствениот систем, споменувајќи примери со пријавување прекувремени часови и дежурства кои, како што рече, не соодветствуваат со реалната работа.

„Ќе треба и ние многу повеќе да водиме сметка за општиот интерес и интересот на граѓаните“, додаде премиерот.