Во Переира бројот на загинати порасна од 18 на 40, во Колумбија вкупно 74 жртви

Бројот на загинати во силниот земјотрес со магнитуда од 7,4 степени што ја погоди Колумбија се искачи на 74 лица, според последните податоци на локалните власти.

— реклама —

Најголем пораст на бројот на жртви е регистриран во Переира. Градоначалникот Маурисио Салазар соопшти дека таму загинале 40 лица, откако претходно беше објавено дека има 18 жртви.

— реклама —

Во департманот Ваље дел Каука се потврдени 27 загинати, додека властите во Чоко, каде што се наоѓал епицентарот на земјотресот, известиле за четири жртви.

— реклама —

Во Манизалес загинале три лица, а уште еден смртен случај е потврден во департманот Антиокија. Таму, во Тамесис, загинал 73-годишен маж, откако врз него паднала карпа при одрон предизвикан од земјотресот.

Спасувачките екипи продолжуваат со потрагата по луѓе под урнатините, додека траат и активностите за процена на штетата.