Во реката Сава, во близина на Окуншчак, во општина Ругвица, во тек е потрага по тројца државјани на Египет, кои, според првичните информации, исчезнале откако влегле во реката за да се капат.
Полицијата ги повика локалните жители да пријават каква било информација што би можела да помогне во потрагата.
Командирот на Противпожарната заедница на Загрепската жупанија, Дарио Кезериќ, изјави дека околностите под кои исчезнале тројцата сè уште се утврдуваат, но, според досегашните сознанија, тие влегле во реката за да се разладат.
Тој предупреди дека реката Сава е исклучително опасна и непредвидлива поради силните речни струи и можните вирови, што значително го зголемува ризикот од давење.
„Вчера од полицијата добивме неофицијална информација дека и тие имале проблеми при пребарувањето на тој дел од Сава, бидејќи струите се многу силни. Денеска заедно со полицијата излегуваме на терен. Тие ќе го пребаруваат речното дно, а ние ќе обезбедуваме дополнителна безбедност за да не се случи несреќа и со спасувачките екипи“, изјави Кезериќ, пренесува ХРТ.
