(🔴ВО ЖИВО) Петров: Повеќе од 20 починати членови на СДСМ се евидентирани дека гласале за Филипче

Поранешниот член на СДСМ, Андреј Петров, изнесе сомневања за можни злоупотреби при изборот на Венко Филипче за претседател на партијата, тврдејќи дека постојат индиции за неправилности со електронските картички за гласање. Во гостувањето во поткастот „Претрес со Ландов“, Петров рече дека подготвуваат досие за случајот и дека разговараат со повеќе лица кои биле вклучени во изборниот процес.

Според Петров, постојат индиции дека на списокот како гласачи биле евидентирани и починати членови на партијата. Тој изјави дека досега идентификувале повеќе од 20 такви случаи, но не ги откри имињата, посочувајќи дека проверките сè уште траат.

— реклама —

„Има повеќе од дваесет. Веројатно тие што ги заокружувале не знаеле дека се починати“, рече Петров, додавајќи дека ваквите наводи, според него, отвораат сериозни прашања за начинот на кој бил спроведен изборот.

„Претрес“ на Андреј Петров: Го менуваат Филипче, го враќаат Бранко? А Македонија? Гледај на LANDOV.MK 3:02:38

— реклама —

На прашањето дали ќе бараат кривична одговорност доколку неправилностите се докажат, тој одговори дека не се орган за гонење, нагласувајќи дека неговата цел е да се смени начинот на гласање во партијата.

— реклама —

Петров смета дека претседателот на СДСМ треба да се избира со непосредно гласање на членството, но без употреба на електронски картички. Според него, актуелниот систем отвора простор за сомнежи и треба да биде заменет со постапка што ќе обезбеди поголема доверба во резултатите.

Тој побара Венко Филипче да се повлече од функцијата и да се овозможи нов избор на претседател, на кој, како што рече, платформата 12.05 ќе има свој кандидат.

„Нека се повлече Филипче, нека се овозможи гласање“, изјави Петров, додавајќи дека членството треба слободно да одлучи кој ќе ја води партијата.

На прашањето дали Филипче би можел повторно да се кандидира, Петров рече дека тоа е негово право, но инсистираше дека гласањето не треба да се спроведува со електронски картички.