„Водовод и канализација“: Сите испитани примероци од водата во Скопје се безбедни

Водата за пиење во Скопје е безбедна и соодветствува на пропишаните стандарди, покажуваат најновите лабораториски анализи на ЈП „Водовод и канализација“ – Скопје.

— реклама —

Секторот за санитарна контрола во периодот од 28 септември до 2 октомври извршил испитувања на водата за пиење преку земање примероци од 45 мерни места на територијата на градот.

— реклама —

Вкупно биле земени 200 примероци за физичко-хемиска анализа и уште 200 примероци за микробиолошка анализа, односно вкупно 400 примероци.

— реклама —

Според резултатите од лабораториските испитувања, сите анализирани примероци одговараат на барањата утврдени со Правилникот за барања за безбедност и квалитет на водата за пиење, објавен во „Службен весник на РМ“, бр. 183/18.

— реклама —

Од ЈП „Водовод и канализација“ – Скопје посочуваат дека извештајот се објавува со цел граѓаните навремено да бидат информирани за квалитетот и безбедноста на водата што ја користат за пиење.