„Волво“ најавува нова ера: Караваните повторно стануваат актуелни

Волво размислува повторно да ги врати караваните во својата понуда, откако SUV моделите целосно доминираа на автомобилскиот пазар во последниве години.

— реклама —

Извршниот директор на компанијата, Хокан Самуелсон, во интервју за Motor1 изјави дека пазарот можеби „отишол предалеку“ во насока на SUV возилата.

— реклама —

Тој посочи дека караваните нудат слична практичност како SUV моделите, но со подобри возни карактеристики, помала потрошувачка и пониска цена.

Според Самуелсон, еден од главните аргументи за враќање на пониските автомобили е аеродинамиката, особено кај електричните возила, каде што отпорот на воздух директно влијае врз автономијата.

— реклама —

Тој смета и дека помладите генерации би можеле повторно да покажат интерес за каравани, наместо за големите SUV модели што ги возеле нивните родители.

— реклама —

„Мислам дека не откривам премногу ако кажам дека за пет години ‘Волво’ нема да има само SUV модели“, изјави Самуелсон.