Возач побегнал по судир со мотоциклист во Скопје, мотоциклистот тешко повреден

Мотоциклист е тешко повреден во сообраќајна несреќа што се случила во Скопје, додека возачот на автомобилот што учествувал во незгодата го напуштил местото на настанот, соопшти Министерството за внатрешни работи.

— реклама —

Несреќата била пријавена на 21 јули во 14:00 часот, а се случила на крстосницата меѓу улиците „Ѓорче Петров“ и „Македонски војски“. Во неа учествувале мотоцикл со скопски регистарски ознаки, управуван од Ш.Ш. (44) од селото Волково, и патничко возило чиј возач по судирот избегал.

— реклама —

— реклама —

Во несреќата мотоциклистот се здобил со тешки телесни повреди, кои биле констатирани во Градската општа болница „8 Септември“ во Скопје.

— реклама —

Увид на местото извршила увидна екипа на СВР Скопје, а полицијата презема мерки за пронаоѓање на возачот и возилото што го напуштиле местото на несреќата.