Дваесет и шестгодишен жител на беровското село Митрашинци е лишен од слобода откако полицијата утврдила дека управувал автомобил под силно дејство на алкохол.
Како што соопшти Министерството за внатрешни работи, на 20 јули во 15:05 часот, при сообраќајна контрола на булеварот „Македонија“ во Делчево, полициски службеници запреле патнички автомобил „ровер“ со беровски регистарски ознаки.
При контролата било утврдено дека возачот А.Т. (26) управувал возилото со 4,35 промили алкохол во крвта.
Тој бил задржан во полициска станица, а по целосното документирање на случајот против него ќе биде поднесена соодветна пријава, информираат од МВР.
