Триесет и осумгодишен жител на Охрид ќе се соочи со кривична пријава откако под дејство на алкохол излетал од патот со својот автомобил на кружен тек во градот.
Според Министерството за внатрешни работи, на 23 јули во 04:40 часот, на кружната крстосница на булеварите „Туристичка“ и „АСНОМ“, патничко возило „ауди“ со охридски регистарски ознаки, управувано од Б.С. (38) од Охрид, излетало од коловозот.
По преземените мерки, полициските службеници утврдиле дека возачот имал 1,51 промили алкохол во крвта, по што веднаш бил исклучен од сообраќајот.
По насоки на јавен обвинител, возилото било одземено, а по целосното документирање на случајот против него ќе биде поднесена кривична пријава за кривичното дело „безобѕирно управување со моторно возило“ согласно член 297-а од Кривичниот законик.
