Во пресрет на празникот 1 Мај и продолжениот викенд, Републичкиот совет за безбедност на сообраќајот на патиштата упати апел до граѓаните за строго почитување на сообраќајните правила.
Оттаму посочуваат дека во вакви периоди се зголемува фреквенцијата на возила, бидејќи дел од граѓаните патуваат кон туристички дестинации, излетнички места или посетуваат роднини и пријатели. Искуствата од претходните години, како што наведуваат, покажуваат дека за време на празници зачестуваат сообраќајните незгоди, често со сериозни последици.
Од Советот нагласуваат дека неодговорното однесување во сообраќајот може да има тешки и ненадоместливи последици, поради што апелираат на внимателност, етичност и лична одговорност кај сите учесници.
Воедно, потсетуваат на основните правила: користење сигурносен појас, избегнување користење мобилен телефон при возење, почитување на ограничувањата на брзината и управување возило под дејство на алкохол.
Се препорачува и однапред да се планира патувањето, како и да се прават паузи за одмор, со цел да се намали ризикот од несреќи.
Од РСБСП порачаа дека со одговорно однесување може да се придонесе празничните денови да поминат безбедно за сите учесници во сообраќајот.
