„ВРЕДИ одработи за ДУИ во Брвеница, а ДПМНЕ за локалните избори одработуваше против Левица во корист на ВРЕДИ во Струга, Тетово и Гостивар“, велат од Левица

Левица преку соопштение реагира на обвинувањата од ВМРО-ДПМНЕ по изборниот пораз во Брвеница, посочувајќи дека партијата сега го проблематизира однесувањето на својот коалициски партнер ВРЕДИ, иако на претходните локални избори самата дејствувала во негова политичка корист.

— реклама —

Во соопштението Левица оценува дека случајот во Брвеница отвора прашања за политичките проценки на раководството на ДПМНЕ, кое, според нив, дури по изборите ги препознало потезите на сопствениот коалициски партнер, нарекувајќи го „тројански коњ“.

— реклама —

Од партијата велат дека ДПМНЕ повторно ја посочува Левица како виновник за сопствениот неуспех, но потсетуваат дека на локалните избори во Струга, Тетово и Гостивар, каде што Левица имала свои кандидати како алтернатива на ДУИ и ВРЕДИ, ВМРО-ДПМНЕ водела активна кампања против нив.

— реклама —

Според Левица, таа кампања опфаќала прес-конференции и теренска агитација, со што политички биле поддржани кандидатите на ВРЕДИ – партијата чие однесување во Брвеница ДПМНЕ денес го критикува.

— реклама —

Од Левица порачуваат дека погрешните политички проценки и коалициските договори се одговорност на ВМРО-ДПМНЕ и дека другите политички субјекти не се должни да ги санираат последиците од нивните одлуки.