Надворешната канцеларија за криминалистички работи Струга поднесе кривична пријава против правно лице од селото Корошишта и против неговиот управител Л.Р. (35), поради сомнение дека вршеле јавен превоз на патници без соодветна лиценца.
Според Министерството за внатрешни работи, при контрола извршена на 4 април 2025 година на улицата „Пролетерски бригади“ во Струга, полициски службеници од ОВР Струга сопреле патничко возило „фолксваген транспортер“, управувано од Л.Р.
При контролата било утврдено дека возачот вршел превоз на патници без да поседува соодветна дозвола, односно лиценца за вршење превоз на патници.
Поради утврдените неправилности, против правното лице и неговиот управител е поднесена кривична пријава за кривичното дело „вршење јавен превоз без поседување лиценца“.
