Вучиќ ги повика граѓаните да гласаат: „Изборите се како финале на Светското првенство“

Српскиот претседател Александар Вучиќ ги повика граѓаните да излезат на претстојните избори и да не го сметаат победничкиот исход за однапред обезбеден. Обраќајќи им се на жителите на Крушевац, тој ја спореди изборната трка со финалето на Светското првенство во фудбал.

— реклама —

„Ова е како финале на Светското првенство – најважниот натпревар. Не смееме да бидеме недисциплинирани“, порача Вучиќ, предупредувајќи дека граѓаните не треба да се откажат од гласањето со образложение дека победата е сигурна.

— реклама —

Зборувајќи за изборната кампања, тој тврдеше дека биле вложени огромни финансиски средства со цел да се дестабилизира Србија.

— реклама —

„Стотици милиони евра и милијарди евра се вложени за да се уништи нашата земја. Не смееме да дозволиме тоа да се случи на изборите“, изјави Вучиќ.

Тој ги повика граѓаните да разговараат со членовите на своите семејства и заеднички да одлучат која опција е најдобра за нив, нагласувајќи дека е важно да излезат на гласање.