Претседателот на Србија, Александар Вучиќ, најави дека во среда напладне ќе ја објави одлуката за распуштање на Народното собрание и распишување предвремени парламентарни избори. Тој потврди дека изборите ќе се одржат на 25 октомври.
„Во согласност со Уставот и Законот за претседателот, донесувам две одлуки. Првата е указ за распуштање на Народното собрание, а втората е одлука за распишување избори. Двете одлуки ќе ги објавам утре точно напладне. Изборите во Србија ќе бидат на 25 октомври“, изјави Вучиќ за РТС.
Најавата следува еден ден откако Владата на Србија го усвои предлогот за распуштање на Собранието и го достави до претседателот.
Главниот одбор на Српската напредна партија (СНС) веќе одлучи Вучиќ да биде носител на листата „Обединета Србија“. Доколку листата победи на изборите, Вучиќ ќе биде и кандидат за премиер.
