Вучиќ најави контроли во аптеките: Ако не се намалени цените на лековите, ќе има казни

Српскиот претседател Александар Вучиќ најави дека утре лично ќе ги посети аптеките во источниот и југоисточниот дел на Србија за да провери дали цените на лековите се намалени во согласност со претходно најавените мерки.

— реклама —

Тој порача дека ќе бидат изречени казни за сите кои нема да ги исполнат обврските и додаде дека по два дена повторно ќе биде извршена контрола.

— реклама —

„Ќе има казни за одговорните и за оние што нема да ги исполнат обврските. Ќе почекаме два дена, па повторно ќе провериме. Само да не биде изговор дека е сабота. Јас најавив 1 август, а тоа е сабота. Веќе однапред ги знам сите нивни изговори“, изјави Вучиќ.

— реклама —

Одговарајќи на прашање дали во иднина би можело да се воведат мобилни аптеки, тој рече дека главното прашање е кој ќе го финансира нивното функционирање.

Вучиќ се осврна и на состојбата со јавните финансии, истакнувајќи дека секојдневно ги следи буџетските приходи, но дека глобалните случувања, особено војните во Иран и Украина, имаат силно влијание врз српската економија. Тој додаде дека државата се соочува со намалени приходи од акцизите на нафтата, додека истовремено растат барањата за финансиска поддршка од различни сектори.