ЛЕКОВИ

Генеричките лекови под притисок: Метформинот може да поскапи и до 800 проценти

Новата директива на Европската Унија за третман на комуналните отпадни води отвори дебата меѓу фармацевтската индустрија и научната јавност околу тоа како да се заштити животната средина без да се загрози достапноста на евтините лекови.Според новите правила, фармацевтската и козметичката индустрија ќе треба да покриваат најмалку 80 проценти од трошоците за дополнителен степен на прочистување на отпадните води, со кој се отстрануваат микрозагадувачи што класичните системи не можат да ги филтрираат, вклучително и остатоци од лекови.Фармацевтските компании предупредуваат дека најголем удар би можеле да претрпат генеричките лекови, кои сочинуваат околу 70 проценти од терапиите во Европа, но носат значително помал дел од вкупната потрошувачка за лекови.Како пример се наведува метформин, широко користен лек за дијабетес, за кој здружението Medicines for Europe проценува дека цената по кутија би можела да порасне и до 800 проценти.Претставниците на индустријата предупредуваат дека поради ниските маржи и регулираните цени, дополнителните трошоци би можеле да доведат до повлекување на дел од производителите од пазарот, што би создало ризик од недостиг на одредени терапии.Од друга страна, научниците нагласуваат дека фармацевтското загадување претставува сериозен еколошки и здравствен проблем. Особено се посочува на остатоците од антибиотици во отпадните води, кои можат да придонесат за развој на антимикробна резистенција.Дел од експертите сметаат дека дополнителното прочистување на водите не треба да се одложува, бидејќи е неопходно за заштита на водните екосистеми и јавното здравје. Сепак, останува отворено прашањето како Европа ќе најде баланс меѓу зелените политики и обезбедувањето достапни лекови за граѓаните.

Свет | пред 3 часа

САД отвораат пат за нови терапии, Трамп нареди забрзано истражување на психоделични лекови

Американскиот претседател Доналд Трамп потпиша извршна уредба со која се забрзува процесот на одобрување и истражување на психоделични супстанци, меѓу кои и ибогаин, како потенцијален третман за посттрауматско стресно нарушување (ПТСН).„Оваа уредба ќе обезбеди луѓето кои страдаат од тешки симптоми конечно да добијат шанса да си ги вратат животите и да живеат посреќно“, изјави Трамп во Белата куќа, додавајќи дека одлуката значително ќе го забрза пристапот до нови терапии.На настанот присуствуваа и подкастерот Џо Роган и американскиот воен ветеран Маркус Латрел, кој ја поздрави иницијативата.„Ќе спасите многу животи. Мене ова целосно ми го промени животот“, му порача Латрел на Трамп.Ибогаинот, супстанца добиена од растение во Западна Африка, во поголеми дози може да предизвика халуцинации и е поврзан со одредени здравствени ризици, вклучително и срцеви компликации. Сепак, дел од ветераните сведочат за позитивни ефекти по третмани во странство.Уредбата предвидува забрзување на научните истражувања, но не значи автоматска легализација или широка клиничка примена на овие супстанци.Интересот за вакви терапии расте, особено кај ветерани кои се соочуваат со тешки форми на депресија и анксиозност. Според податоците на американското Министерство за ветерани, во 2023 година дури 6.398 ветерани извршиле самоубиство.Трамп посочи дека првичните резултати кај некои пациенти покажале значително намалување на симптомите, нагласувајќи дека доколку се потврдат ефектите, тоа би можело да има големо влијание врз третманот на менталните нарушувања.

Свет | пред 3 седмици

(Видео) Запленети 16.051 непријавени лекови во автобус на релација Турција – Косово

Вкупно 16.051 парчиња непријавени лекови, со вредност од 1,6 милиони денари, се пронајдени при контрола на автобус кој е стопиран во внатрешноста на државата од страна на мобилен царински тим и тим од службата за скенирање при Одделението за оперативни работи во рамки на Секторот за контрола и истраги.„Станува збор за автобус во сопственост на туристичка агенција од Косово, кој сообраќал на релација Турција – Косово, во кој при детална контрола се пронајдени вкупно 623 вијали Prolutex (за хормонска терапија и за поддршка на бременост), 15 илјади таблети Jardiance (за лекување дијабет), како и 426 парчиња раствори за инјекции што се користат за визуелизација при магнетна резонанца – 61 вијала Clariscan, 355 вијали Gadovist и 12 вијали Genburto. Дел од нив, 428 вијали, се откриени при првична контрола во црна најлонска ќеса скриена позади седиштата, по што автобусот е спроведен до царински терминал за детална контрола, по што во фабричките шуплини на вентилацијата се пронајдени преостанатите 15.623 парчиња лекови. Против двајца осомничени од страна на Одделението за истраги е поднесена кривична пријава за сторено кривично дело криумчарење, а лековите се трајно одземени“, информираат од Царинската управа.

Македонија | пред 1 месец

Директорот на Царина: запленети 2.500 инфузиски сета – годинава Царината заплени 10 илјади парчиња лекови ризични по здравјето на граѓаните

Запленети 2.500 инфузиски медицински сета - игли, шприцеви, канили и системи за инфузија, ризични по здравјето на граѓаните. За случајот информираше директорот на Царинска управа, Бобан Николовски, во интервју на Алфа телевизија, при што истакна дека годинава се запленети над 10 илјади парчиња лекови.„Последен случај каде јасно се гледа нашата заложба во заштита на здравјето на граѓаните е заплената на 2.500 инфузиски сета во царинска испостава Скопје 3. Случајот е откриен при детална контрола на инфузиски медицински материјал – игли, канили и системи за инфузија, при што е констатирано е дека истите се кинеска стока, а не германска која била предмет на дозвола за увоз. Со оглед на тоа дека сетовите за инфузија не се во согласност со медицинските стандарди во државата, не се безбедни за употреба и за нив не е издадено одобрение за увоз, стоката е запленета и истата ќе биде уништена, а против увозникот е поведена соодветна постапка“, истакна Николовски.Директорот воедно информира дека минатата година се спречени два меѓународни канали за нелегална трговија со анаболични стероиди при што запленети се 600 илјади килограми супстанци штетни по здравјето на граѓаните.

Македонија | пред 5 месеци

Клексан на рецепт, ќе се зема во аптека, најави Клековски!

Два лека антикоагуланси, кои се употребуваат во третмани против згрутчување на крвта, од крајот на ноември ќе може да се земаат на рецепт во аптека.Ова денеска го истакна генералниот директор на Фондот за здравствено осигурување, Сашо Клековски.Тој по брифингот со новинарите изјави дека станува збор за двата антикоагуланси Еноксапарин и Надропарин, кои досега беа на болничката позитивната листа и за домашно лекување граѓаните мораа да користат рефундации.– Граѓаните веќе не мора да се малтретираат по шалтерите на Фондот за да ги рефундираат средствата за овие лекови, ќе има полесен пристап до лековите, а ние ќе имаме помал протисок за работа и ќе можеме да се концентираме на други прашања – рече Клековски.

Македонија | пред 6 месеци

Лековите анастрозол и летрозол за онколошките пациенти од 4. август ќе се земаат директно од аптека

Таблетарната терапија анастрозол и летрозол, наменета за онколошки пациенти, од понеделник (4 август) ќе биде достапна во аптеките. Пациентите ќе можат да ги подигнат овие лекови со редовен рецепт, откако претходно ќе добијат извештај од онколог и ќе се обратат кај матичниот лекар за издавање на рецепт.Како што информираат од Фондот за здравствено осигурување, денеска ќе биде објавен новиот шифрарник што ќе стапи на сила од 4 август. Партиципацијата за лековите ќе изнесува околу 50 денари.Во однос на хормонската инјекција ресилиго, која исто така ја примаат дел од онколошките пациенти, од Клиниката за радиотерапија и онкологија најавуваат дека во текот на следната недела пациентите ќе добијат известување кога и каде ќе ја примаат терапијата.

Македонија | пред 9 месеци

Едногодишно дете од Липково хоспитализирано поради труење со лекови – полицијата ја истражува инцидентната ситуација

Едногодишно дете од селото Отља во Општина Липково било хоспитализирано поради сомнително труење со лекови, информира Секторот за внатрешни работи Куманово. Медицинскиот персонал од Општата болница Куманово го пријавил случајот вчера во 18:31 часот.Полицијата го спровела разговорот со лекарот и родителите на детето, а за настанот бил известен и јавниот обвинител.Од СВР Куманово посочуваат дека се преземаат соодветни мерки за целосно расветлување на случајот и утврдување на точните околности на труењето.фото: архова/Скопје1

Македонија | пред 9 месеци