Американскиот претседател Доналд Трамп во моментов нема реални услови да ја посети Србија, изјави српскиот претседател Александар Вучиќ.
Одговарајќи на новинарско прашање, Вучиќ посочи дека наскоро во Србија ќе бидат распишани избори, а во САД следуваат и изборите за Конгресот (midterm избори), поради што, според него, посета во овој период не е реална.
„Кога тоа ќе заврши, ќе бидат можни посети на највисоко ниво меѓу нашите две земји“, изјави Вучиќ.
Тој не прецизираше кога би можела да се реализира евентуалната посета, но нагласи дека, по завршувањето на изборните процеси, ќе се создадат услови за средби на највисоко политичко ниво меѓу Србија и Соединетите Американски Држави.
