Вучиќ по посетата на фабриката на „Шаоми“: Ги поканивме во Србија

Претседателот на Србија, Александар Вучиќ, денеска ја посети фабриката на „Шаоми“ во Пекинг, која важи за една од најмодерните фабрики за електрични автомобили во Кина.

„Ги поканивме да го разгледаат доаѓањето во Србија, како и учеството на ЕКСПО 2027“, изјави Вучиќ.

— реклама —

Тој одржал и состанок со претставници на компанијата, а на средбата присуствувале и министри од Владата на Србија, кои се дел од државната делегација.

Фабриката се наоѓа во економско-технолошката развојна зона Јиџуанг во Пекинг и се простира на околу 718.000 квадратни метри.

— реклама —

Највпечатлив податок е брзината на производството – ново возило излегува од производната линија на секои 76 секунди. При полн капацитет, фабриката може да произведе околу 40 возила на час.

— реклама —

Една од главните карактеристики на погонот е исклучително високото ниво на автоматизација. Во производството учествуваат повеќе од 700 роботи, а дел од процесите се целосно автоматизирани – од склопување на каросеријата до финална контрола на квалитетот.

„Шаоми“ користи и системи со вештачка интелигенција за откривање грешки и неправилности со речиси целосна прецизност.

— реклама —

Компанијата за кратко време постигна значителен успех на кинескиот пазар со моделот „Шаоми СУ7“. Според податоците од 2026 година, продадени се повеќе од 360.000 возила од првата генерација, а интересот за новите модели продолжува да расте.

Фабриката не е само производствен погон, бидејќи во рамките на комплексот има и развојни центри, истражувачки лаборатории, тест-патеки и простории за презентација на возила. Компанијата настојува целиот процес – од развој на софтвер до финален автомобил – да го задржи во рамките на сопствениот систем.