Вучиќ по средбата со Гобаш: ОАЕ се еден од најважните партнери на Србија

Српскиот претседател Александар Вучиќ денеска се сретна со претседателот на Федералниот национален совет на Обединетите Арапски Емирати, Сакр Гобаш, при што разговараа за унапредување на билатералните односи, економската соработка и актуелните глобални и регионални прашања.

По средбата, Вучиќ истакна дека Србија и Обединетите Арапски Емирати во изминатите години изградиле силно партнерство засновано на доверба, стабилност и заедничка визија.

— реклама —

„Обединетите Арапски Емирати за Србија се еден од најважните партнери во регионот на Заливот, а нашите односи се најдобар доказ колку меѓусебната доверба, стабилноста и долгорочната визија можат да донесат конкретни резултати“, напиша Вучиќ на социјалните мрежи.

Тој упати и посебна благодарност до претседателот на ОАЕ, Мохамед бин Зајед Ал Нахјан, за поддршката и ангажманот во продлабочувањето на односите меѓу двете земји.

— реклама —

„Повторив огромна благодарност до искрениот и докажан пријател на нашата земја, шеикот Мохамед бин Зајед, за големата поддршка и личниот ангажман во зацврстувањето на блиските и пријателски врски меѓу Србија и ОАЕ“, наведе Вучиќ.

— реклама —

На средбата било разговарано и за актуелната политичка состојба во светот, особено за случувањата на Блискиот Исток, како и за важноста од зачувување на мирот, стабилноста и дијалогот во услови на зголемени глобални предизвици.

Вучиќ нагласил дека Србија ја цени улогата на Обединетите Арапски Емирати како значаен меѓународен фактор посветен на развојот, стабилноста и поврзувањето на државите.

Двајцата соговорници разговарале и за можностите за унапредување на парламентарната соработка, со цел дополнително зајакнување на севкупните односи меѓу двете земји и отворање простор за нови заеднички иницијативи во интерес на граѓаните.

View this post on Instagram