Претседателот на Србија, Александар Вучиќ, денеска телефонски разговарал со израелскиот премиер Бенјамин Нетанјаху, при што двајцата размениле мислења за актуелната состојба на Блискиот Исток, регионалните и глобалните безбедносни предизвици, како и за натамошниот развој на билатералните односи меѓу Србија и Израел.
Вучиќ за разговорот информираше преку објава на Инстаграм, наведувајќи дека со Нетанјаху разговарале и за можностите за понатамошно унапредување на соработката во области од заеднички интерес.
„Разменивме мислења и за можностите за понатамошно унапредување на соработката меѓу нашите земји во областите од заеднички интерес и ја потврдивме подготвеноста да продолжиме со отворен и непосреден дијалог со цел зајакнување на пријателските и партнерските односи“, напиша Вучиќ.
