Вучиќ: За десет дена одлука за изборите, ќе се одржат кога е најповолно за државата

Српскиот претседател Александар Вучиќ најави дека во рок од десет дена ќе биде донесена одлука за одржување на изборите, нагласувајќи дека тие ќе се организираат во период што е најповолен за државата.

— реклама —

Говорејќи за медиумите, Вучиќ истакна дека изборите се клучен демократски процес во кој граѓаните одлучуваат каква иднина сакаат и кому ќе му ја доверат управата со државата.

— реклама —

Тој посочи дека изборите претставуваат „момент на вистината“, но дека суштината не е во поединците, туку во иднината на државата и граѓаните.

Според него, одлуката за терминот ќе биде водена од интересите на државата, со цел да се минимизираат евентуалните штети и да се обезбеди стабилност.

— реклама —

Вучиќ нагласи дека државата мора да остане силна и стабилна, и економски и политички, со раководство кое ќе знае да се справи со предизвиците.

— реклама —

Во изјавата тој се осврна и на претстојната посета на Кина, која ја оцени како една од најзначајните во неговата кариера. Според најавите, кинескиот претседател Си Џинпинг ќе има средби со повеќе светски лидери, меѓу кои и со Доналд Трамп и Владимир Путин.