Хегсет: Американската војска треба секоја година да добива Нобелова награда за мир

Американскиот министер за одбрана Пит Хегсет изјави дека американската војска е институцијата што треба секоја година да ја добива Нобеловата награда за мир, нагласувајќи дека САД се гаранција за безбедноста на глобално ниво.

— реклама —

На прес-конференција во Пентагон, посветена на текот на операцијата „Епик Фјури“ во Иран, Хегсет истакна дека американската армија постигнала „одлучувачки воени резултати“.

Тој ја образложи позицијата на администрацијата дека правилно водената војна има за цел да донесе мир.

— реклама —

„Кога водите војна на вистински начин, идејата е на крајот да постигнете мир. Тоа е она што најмногу сакаме да го видиме“, изјави Хегсет.

— реклама —

Во тој контекст, тој додаде дека според него, американската војска е единствената институција која заслужува редовно да ја добива Нобеловата награда за мир.

„Ние сме гаранција за безбедноста и заштитата не само на нашата земја, туку и на многу луѓе ширум светот“, рече Хегсет.

— реклама —

Изјавата доаѓа во време на зголемени критики кон американската воена интервенција во Иран, додека администрацијата настојува да ја прикаже операцијата како чекор кон стабилност и мир.