Хеликоптер се урна во Швајцарија – шест лица повредени, едно во животна опасност

Шест лица се повредени при пад на хеликоптер во јужниот дел на Швајцарија, во кантонот Тичино, откако леталото паднало од висина од околу 20 метри, пренесуваат локалните медиуми.

— реклама —

Според првичните информации, едно лице се здобило со повреди опасни по живот, две лица се потешко повредени, додека останатите патници имаат полесни повреди.

Несреќата се случила вчера попладне, околу 16:30 часот, при приближување на хеликоптерот кон градилиште во областа Мецовико-Вира.

— реклама —

Во леталото, кое припаѓало на приватна компанија, се наоѓале шест лица, вклучително и пилотот.

— реклама —

Причините за падот засега не се познати, а истрагата е во тек.

На местото на несреќата интервенирале кантоналната полиција, истражители од федералните служби, како и пожарникарски и спасувачки екипи од регионот, кои работат на утврдување на околностите под кои дошло до инцидентот.