Вооружени напаѓачи на мотоцикли киднапирале повеќе од 280 ученици во градот Курига, во северозападна Нигерија, соопштија денеска официјални лица.
Учениците биле киднапирани додека биле пред училиштето, а децата се на возраст меѓу осум и 15 години, јавува Би-би-си.
Гувернерот на државата Кадуна, Уба Сани, изјави дека 187 ученици биле киднапирани од средно и 125 од основно училиште, но дека 25 од нив биле вратени.
Еден од сведоците изјави дека вооружените напаѓачи застрелале еден ученик и дека му била укажана лекарска помош во болница.
Наставничката која успеала да побегне изјавила дека локалните жители се обиделе да ги спасат децата, но не успеале и дека напаѓачите убиле едно лице.
Вооружените сили започнаа акција за пронаоѓање на киднапираните студенти.
Киднапирањето се случи неколку дена откако исламистичката група Боко Харам во североисточна Нигерија киднапираше десетици жени и деца додека собираа огревно дрво.
Стотици луѓе се киднапирани во последниве години во Нигерија, особено во северозападниот дел на земјата, а групите кои ги извршуваат киднапирањата на северо-запад се одвоени од милитантната исламистичка група Боко Харам на северо-источниот дел на Нигерија. , иако имаше извештаи дека тие можеби работеле заедно на моменти, според Би-Би-Си.
Во Нигерија, во обид да се спречат киднапирањата, во 2022 година беше донесен закон според кој плаќањето откуп е кривично дело и предвидува затворска казна од најмалку 15 години, но досега никој не е уапсен по оваа основа.
