Хорор во зоолошка градина во Англија: Маж фрлил тригодишно дете кај крокодили

Тригодишно момче се наоѓа во критична состојба во болница, откако било фрлено во живеалиште со крокодили во зоолошка градина во Англија.

— реклама —

Инцидентот се случил во зоолошката градина „Џонсонс оф Олд Херст“, кога службите за итна помош добиле пријава за тешко повредено дете. Според информациите на британските медиуми, вработените во зоолошката градина веднаш реагирале, го извлекле детето од живеалиштето и му укажале прва помош до пристигнувањето на медицинските екипи.

— реклама —

Момчето, кое е од областа Кембриџшир, било пренесено во болницата „Аденбрукс“, каде и понатаму е под лекарски надзор.

Полицијата во Кембриџшир соопштила дека 30-годишен маж од Норфолк бил уапсен под сомнение за обид за убиство. Сепак, тој подоцна бил пуштен со кауција до 18 септември, откако било проценето дека не е способен да учествува во полициско испрашување.

— реклама —

Истражителите навеле дека осомничениот не го познавал детето. Според британските медиуми, станува збор за лице со развојни потешкотии.

— реклама —

Истрагата за случајот продолжува, а полицијата работи на утврдување на сите околности поврзани со шокантниот инцидент.