Хрватските медиуми: Билиќ ќе го наследи Далиќ на клупата на репрезентацијата

Хрватската фудбалска репрезентација би можела наскоро да добие нов селектор, а според пишувањата на хрватските медиуми, главен кандидат за наследник на Златко Далиќ е Славен Билиќ.

— реклама —

Според информациите, раководството на Хрватскиот фудбалски сојуз веќе разговарало со репрезентативците за можноста Билиќ повторно да ја преземе националната селекција, а реакциите на играчите биле позитивни.

— реклама —

Се очекува Златко Далиќ, чиј договор истекува, својата конечна одлука за иднината да ја соопшти најдоцна до 8 јули.

Доколку дојде до промена на селекторската позиција, Далиќ ќе ја напушти репрезентацијата како најуспешен селектор во историјата на Хрватска, со освоени сребрен и бронзен медал на Светските првенства.

— реклама —

Славен Билиќ претходно ја предводеше хрватската репрезентација од 2006 до 2012 година, период во кој ја однесе на неколку големи натпреварувања и беше препознатлив по атрактивниот стил на игра.

— реклама —

Засега нема официјална потврда од Хрватскиот фудбалски сојуз, но можноста за враќање на Билиќ предизвика голем интерес во хрватската спортска јавност.