„За две години пензиите се зголемени за 325% повеќе во споредба со владата на СДСМ и ДУИ“, рече Мицкоски

Премиерот Христијан Мицкоски на денешната прес-конференција рече дека растот на пензиите во изминатите две години е значително поголем во споредба со периодот на владеење на СДСМ и ДУИ, посочувајќи дека просечното месечно зголемување е 3,25 пати повисоко.

— реклама —

Одговарајќи на прашање при посетата на Општина Прилеп, Мицкоски направи споредба на растот на просечната старосна пензија во двата периоди. Според неговите податоци, во првите 24-25 месеци од актуелната влада пензијата просечно месечно се зголемувала за 296 денари, додека во претходната влада, во период од 83 месеци, просечното месечно зголемување изнесувало 91 денар.

— реклама —

„Кога ќе се споредат овие два параметра, доаѓаме до 3,25 пати повеќе сега отколку во времето на владата на СДСМ и ДУИ, или тоа е математички прецизно 325 проценти“, рече Мицкоски.

Тој направи и дополнителна споредба на првите 25-26 месеци од двете влади. Според него, од јуни 2017 до јуни-јули 2019 година просечната старосна пензија се зголемила за 540 денари, додека во првите 25-26 месеци од актуелната влада зголемувањето било за повеќе од 6.800 денари.

— реклама —

„Математички прецизно, тоа е повеќе од 12,5 пати. Таа е разликата“, нагласи премиерот.

Мицкоски оцени дека опозицијата треба да ја прифати, како што рече, реалноста и да излезе од безидејноста, додека Владата ќе продолжи со реализација на проекти и реформи низ државата.