За една недела исчистени 890 кубни метри отпад од диви депонии низ Скопје

Екипите на ЈП „Комунална хигиена“ – Скопје минатата недела отстраниле 890 кубни метри непрописно одложен кабаст и градежен отпад од јавни и сообраќајни површини низ скопските општини.

— реклама —

Најголемо количество отпад било подигнато во општина Центар, каде што биле расчистени 220 кубни метри од диви депонии.

— реклама —

Во истиот период, екипите на претпријатието подигнале и транспортирале 3.600 тони комунален отпад од домаќинствата и правните субјекти на територијата на Скопје.

— реклама —

Еко-патролата минатата недела изготвила 26 записници за лица и правни субјекти затекнати при прекршување на Законот за јавна чистота. Најмногу записници, вкупно 12, биле врачени во општина Чаир.

— реклама —

Покрај активностите за чистење, претпријатието спровело и едукативни предавања во ООУ „Круме Кепески“ во Кисела Вода. Во нив учествувале 90 ученици од шесто одделение, кои се запознале со правилното одлагање на отпадот и придобивките од неговото примарно селектирање.