Во септември во Скопје собрани и транспортирани 14.320 тони комунален отпад

Екипите на ЈП „Комунална хигиена“ – Скопје во текот на септември собрале и транспортирале вкупно 14.320 тони мешан комунален отпад од домаќинствата на територијата на градот.

— реклама —

Покрај редовното собирање на отпадот, во текот на месецот биле отстранети и 3.040 кубни метри непрописно одложен кабаст и градежен отпад од јавни и сообраќајни површини.

— реклама —

Од дивите депонии биле подигнати вкупно 545 кубни метри отпад во Општина Чаир, што е најголемото количество отстрането од диви депонии во текот на септември.

Во истиот период, Еко-патролата на ЈП „Комунална хигиена“ – Скопје врачила 24 едукативно-информативни записници на физички лица и претставници на стопански субјекти, кои биле затекнати при прекршување на Законот за јавна чистота.

— реклама —

Од претпријатието информираат дека паралелно со активностите за собирање и отстранување отпад, секојдневно се одржува и јавната хигиена во градот преку рачно и машинско метење и миење.

— реклама —

Активностите ги опфаќаат скопските булевари и улици, плоштадите и пешачките мостови во централното градско подрачје, пешачките патеки и тротоарите на мостовите „Гоце Делчев“ и „Слобода“, како и целокупниот простор на Старата скопска чаршија.