Од скопските улици и диви депонии отстранети 650 кубни метри отпад

Екипите на ЈП „Комунална хигиена-Скопје“ во текот на изминатата недела отстранија 650 кубни метри непрописно одложен кабаст и градежен отпад од јавни и сообраќајни површини во сите скопски општини.

— реклама —

Најголемо количество отпад е расчистено во општина Чаир, каде што од дивите депонии биле подигнати 170 кубни метри отпад.

— реклама —

— реклама —

Во истиот период, екипите на претпријатието собрале и транспортирале 2.700 тони комунален отпад од домаќинствата и правните субјекти на територијата на Скопје.

— реклама —

Покрај расчистувањето на дивите депонии и собирањето на комуналниот отпад, ЈП „Комунална хигиена-Скопје“ продолжува со редовното одржување на јавната хигиена на градските улици и булевари. Машинското миење со автоцистерни се спроведува во доцните вечерни часови, додека плоштадите, пешачките мостови, пешачките патеки и тротоарите во централното градско подрачје, како и Старата скопска чаршија, секојдневно се мијат и метат во три смени.