(Видео) Собираат отпад за пари, но наместо на депонија – го истовараат на улица: уште еден случај на несовесно однесување

Нов случај на неодговорно однесување е забележан на улиците, каде што две лица со моторче и приколка застанале и го истовариле целиот отпад од приколката директно на улицата.

— реклама —

Граѓаните реагираат дека ваквите појави мора да бидат спречени, а надлежните да најдат поефикасен начин за контрола и санкционирање на лицата што незаконски го фрлаат отпадот. Проблем претставува и користењето запрежни коли, бидејќи тешко се утврдува кој стои зад ваквите постапки, а казните често изостануваат.

— реклама —

За фрлање отпад на недозволено место предвидена е казна од 50 евра. Граѓаните сметаат дека ваквата санкција не е доволна за да го спречи однесувањето, особено кога лицата што собираат отпад од граѓани за тоа наплаќаат и земаат дневно повеќе пари од една казна, а потоа отпадот го оставаат на јавни површини.

Во текот на денот беше забележан и друг ризичен случај – две деца се движеа со коњ по улица, при што едното падна од животното, а коњот помина преку него.

— реклама —

Граѓаните бараат надлежните институции да реагираат поефикасно и да се спречат ваквите постапки, кои, освен што ја загадуваат околината, можат да претставуваат и сериозна опасност за безбедноста на улиците.

View this post on Instagram