За пет часа казнети 178 мотоциклисти: 156 возеле без кацига, 13 се уапсени

Во текот на вчерашниот ден (27.07.2026) во периодот од 17.00 до 22.00 часот спроведена е акциска контрола на територијата на Република Северна Македонија за санкционирање на прекршоци што ги прават возачите на мотоцикли и лесни електрични возила, при што санкционирани се 178 возачи. Од нив, 156 возачи не користеле заштитна кацига за време на возење, 13 возачи се лишени од слобода поради сторено кривично дело по член 297-а од Кривичниот законик, сите возеле без возачка дозвола, а пет мотоцикли се одземени поради истечена сообраќајна дозвола и предизвикување голема бучава.

— реклама —

Санкционирани се 11 возачи на лесни електрични возила, од кои пет поради неносење на рефлектирачки елек при управувањето за време на намалена видливост по член 103-г.

— реклама —

— реклама —

За време на контролата санкционирани се и 130 други видови на сообраќајни прекршоци.

— реклама —

Сообраќајните контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.