Надлежните власти во Хрватска предупредија дека до понатамошно известување не се препорачува капење на плажата во Стон, откако при редовна контрола било утврдено краткотрајно фекално загадување на морската вода.
Загадувањето е потврдено за време на петтото редовно испитување на квалитетот на водата за капење, кое го спроведува Заводот за јавно здравје на Дубровничко-неретванската жупанија.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10}])
Анализите покажале дека концентрацијата на бактеријата ешерихија коли ја надминува дозволената гранична вредност, поради што граѓаните и туристите се предупредени да не се капат на оваа плажа.
Надлежните соопштија дека земањето примероци од морската вода ќе продолжи сè додека загадувањето не биде отстрането. За случајот се известени Инспекцијата за заштита на животната средина и другите надлежни инспекциски служби.
