Заменети околу 200 контејнери, отстранети 880 кубни метри отпад од скопските улици

ЈП „Комунална хигиена“ – Скопје започна со поставување на новите садови за комунален отпад, при што досега се заменети околу 200 контејнери. Активностите ќе продолжат и во текот на оваа седмица.

— реклама —

Покрај обновувањето на садовите за отпад, екипите на претпријатието минатата седмица отстраниле 880 кубни метри непрописно одложен кабаст и градежен отпад од јавни и сообраќајни површини во сите скопски општини.

— реклама —

— реклама —

Најголемо количество отпад било подигнато во Општина Центар, каде што биле расчистени диви депонии со вкупно 205 кубни метри отпад.

Во истиот период, претпријатието собрало и транспортирало 3.300 тони комунален отпад од домаќинствата и правните субјекти на територијата на Скопје.