Западнонилската треска се шири: Жртви во Македонија, Италија и Грција

Во Италија од почетокот на годината до 12 август се регистрирани 226 случаи на инфекција со вирусот Западен Нил, од кои седум завршиле со смртен исход, објави италијанскиот Национален институт за здравство.

— реклама —

Вирусот е регистриран во 55 региони, а најголем број случаи има во Венето, Пиемонт, Лацио и Ломбардија, како и во градовите Падова, Милано, Рим и Кремона.

— реклама —

Од вкупниот број заразени, 102 случаи се манифестирале во невроинвазивна форма, додека кај 38 дарители на крв вирусот бил откриен без присуство на симптоми.

Во меѓувреме, првиот смртен случај од вирусот Западен Нил е регистриран и во Македонија. Станува збор за 83-годишен маж од Скопје, кој бил лекуван на Клиниката за инфективни болести и фебрилни состојби.

— реклама —

Според Институтот за јавно здравје, кај пациентот симптомите започнале на 2 август со треска, главоболка, општа слабост, болки во зглобовите и мускулите, вкочанетост на вратот и нарушена свест.

— реклама —

Кај него бил дијагностициран менингитис, а пациентот имал и други хронични заболувања. Присуството на вирусот Западен Нил било потврдено со серолошко испитување на цереброспиналната течност.