Возачите кои во понеделник навечер ќе патуваат кон Халкидики треба да бидат подготвени за привремена измена на сообраќајот, бидејќи ќе биде затворен дел од внатрешната обиколница на Солун во правец кон популарните летувалишта.
Делницата ќе биде затворена од 23:00 часот на 20 јули до 05:00 часот наредното утро.
Станува збор за правецот по кој возилата што доаѓаат од граничниот премин Евзони, преку Солун, продолжуваат кон Халкидики.
За време на затворањето, возилата ќе бидат пренасочувани преку излез од обиколницата, а потоа ќе продолжуваат по алтернативни сообраќајници низ градот.
Исто така, нема да биде возможно вклучување на обиколницата во правец кон Халкидики од влезната рампа кај болниците.
Надлежните ги повикаа возачите да ја следат поставената сообраќајна сигнализација и, доколку е можно, да го избегнуваат овој дел од Солун во наведениот период.
