Завршени процедурите, започнува да се гради автопатот Скопје – Блаце, објави Касами

Градоначалникот на Тетово и еден од лидерите на ВЛЕН, Билал Касами, објави дека се завршени сите административни и бирократски процедури за почеток на изградбата на автопатот Скопје – Блаце.

Според него, со тоа е отворен патот за старт на градежните работи на една од најважните патни делници што треба да ги поврзе Македонија и Косово.

„Завршија сите бирократски процедури и се отвори патот за почеток на работите на автопатот Скопје – Блаце. Скопје и Приштина денес се поблиску од кога било“, напиша Касами.

Тој оцени дека завршило времето на, како што наведе, „стерилната демагогија“ и дека започнува период на реализација на проекти и развој.

„Времето на стерилната демагогија заврши. Албанците живеат епоха на работа, проекти и развој“, порача Касами во објавата.

Автопатот Скопје – Блаце е дел од Коридорот 6 и претставува една од клучните инфраструктурни врски меѓу Северна Македонија и Косово.