Заврши драмата во рудникот „Трепча“: Спасени сите 18 рудари

Драмата во рудникот Стар Трг заврши откако сите 18 рудари кои беа заробени поради проблеми со електричната енергија успешно ја напуштија јамата.

— реклама —

Рударите биле заглавени од ноќеска од 1:30 часот, кога дошло до прекин во снабдувањето со струја.

— реклама —

Од претпријатието Трепча југ претходно соопштиле дека причината за инцидентот бил дефект на далноводот, поради што рударите останале заробени во окната.

Ова не е прв ваков случај во рудникот. И во минатото рударите во „Стар Трг“ повеќепати останувале заглавени под земја поради прекини на електричната енергија.

— реклама —

Кон крајот на јануари, втората смена рудари со часови била блокирана под земја поради сличен проблем со струјата.

— реклама —

Со претпријатието управуваат привремените институции во Приштина, а рудникот подолг период се соочува со бројни проблеми, поради што вработените често организираат штрајкови.