Зеленски за предлогот на Мерц: Тоа е неправедно

Володимир Зеленски оцени дека германскиот предлог Украина привремено да учествува во институциите на Европската Унија без право на глас е „неправеден“.

— реклама —

Реакцијата следува по иницијативата на германскиот канцелар Фридрих Мерц за создавање привремено „придружено“ членство за Украина и другите земји кандидати, додека чекаат полноправно приклучување кон ЕУ.

— реклама —

Според предлогот, Украина би можела да учествува на состаноци и во работата на европските институции, но без можност за гласање.

„Би било неправедно Украина да биде присутна во Европската Унија, а да остане без глас“, напиша Зеленски во писмо испратено до европските лидери.

— реклама —

Тој порача дека е време Украина „целосно и суштински“ да се движи кон полноправно членство и нагласи дека земјата „ја брани Европа во целост, а не половично“.

— реклама —

Украина доби кандидатски статус за членство во ЕУ во 2022 година, но пристапните преговори се во застој речиси една година, главно поради блокадите од Унгарија и резервите на дел од земјите членки кон проширувањето.