Земјотрес со јачина од 3,1 степен според Рихтеровата скала рано утрово е регистриран во близина на Сараево, соопшти Европско-медитеранскиот сеизмолошки центар (EMSC).
Потресот бил регистриран во 4:21 часот по локално време, а неговиот епицентар се наоѓал на околу 12 километри источно од Сараево, на длабочина од шест километри.
Земјотресот бил почувствуван од голем број жители на главниот град на Босна и Херцеговина и околните населени места. Според EMSC, повеќе од 490 граѓани пријавиле дека го почувствувале потресот, а на платформата биле објавени и речиси 200 коментари од очевидци.
Засега нема информации за повредени лица или за причинета материјална штета.
